Activities

ກິດຈະກຳຂ່າວສານຂອງລາວໂມບາຍກຣຸບ

ລາວໂມບາຍກຣຸບນໍາສະເໜີ ໂທລະສັບມືຖືຮຸ່ນໃໝ່

ພິທີເປີດໂຕໂທລະສັບມືຖືຮຸ່ນໃໝ່ ໄດ້ຈັດຂື້ນໃນຕອນຄໍ່າວັນທີ 10 ພຶດສະພານີ້ຢູ່ທີ່ຮ້ານລາວໂມບາຍກຣຸບ ບ້ານດົງປ່າລານ ນະຄອນຫລວງວຽງຈັນ ໂດຍການເຂົ້າຮ່ວມຂອງການທ່ານນາງ ເປຣມມະວາລິນ ໂກສິດນຸກຸນ ຜູ້ຕາງໜ້າບໍລິສັດໄທຊຳຊຸງເອເລັກໂທນິກຈຳກັດ ທ່ານ ມົນຕີ ຫລວງປະເສີດ ຜູ້ອຳນວຍການໃຫຍ່ຮ້ານລາວໂມບາຍກຣຸບ ພ້ອມດ້ວຍແຂກຖືກເຊີນ ແລະ ລູກຄ້າເຂົ້າຮ່ວມ.

ພິທີໃນຄັ້ງນີ້ ທ່ານຄຳສຸກ ໂກມຸດທະພົງ ຜູ້ຈັດການຝ່າຍການຕະຫລາດລາວໂມບາຍກຣຸບ ໄດ້ຂື້ນກ່າວນຳສະເໜີຜະລິດຕະພັນໂທລະສັບມືຖື ຮຸ່ນໃໝ່ຍີ່ຫໍ້ Sumsung Galaxy S4 ທີ່ນໍາເຂົ້າມາວາງສະແດງ ແລະ ຈໍາໜ່າຍ ເພື່ອສະໜອງລູກຄ້າທີ່ມີຄວາມຕ້ອງການຊົມໃຊ້ຜະລິດຕະພັນໃໝ່ ທີ່ມາພ້ອມກັບເຕັກໂນໂລຊີທີ່ທັນສະໄໝ ໂທລະສັບມືຖືຍີ່ຫໍ້ Sumsung Galaxy S4 ໄດ້ຖືກອອກແບບ ແລະ ພັດທະນາຄຸນນະລັກສະນະພິເສດ ຈາກໂທລະສັບມືຖືໃນຕະກຸນ S Series ທີ່ພຽບພ້ອມດ້ວຍຄຸນນະພາບ ມີຄວາມຄົມແຈ້ງໃນການຖ່າຍຮູບ, ຮູບຊົງງົດງາມ ແລະ ມີໂປຣແກຣມ ການຫລິ້ນທີ່ຫລາກຫລາຍ ປັດຈຸບັນ ໄດ້ມີຮ້ານທີ່ເປັນຕົວແທນຈຳໜ່າຍ ຢ່າງເປັນທາງການ 4 ແຫ່ງຄື Lao Mobile Group , K-Plaza, LTH ແລະ ຮ້ານ Odien ໃນນະຄອນຫລວງວຽງຈັນ.

Lao National Radio, Vientiane
12 May, 2013